陳年事忘不了，眼前事記不起

太陽向南升

前幾天同BGfantasy兄 & MTR613兄一起網會，人生一大快事。
其實同大哥網會之前一早已猜想大哥什麼容貌，什麼性格，但每每都猜錯。

正如BGfantasy兄說，我同MTR613兄好像失散兄弟那樣。
可能兒時同一條街隔十幾林巴，又咁橋同一學校，所以舊時的話題特別多，講極都唔完。（最重要就係大家都開過VW—golf/rabbit第一代先頂引）
其實兄台話小弟風趣幽默：真係唔敢當，
至於天南地北無所不通：真有點唔敢認。
其實小弟亦都有唔開心或失意的時候，但同朋友一起我都通常唔會張唔開心的東西帶比別人，我怎至可以控制自已快樂時很開心，失意時都可以令自已開心的。

BGfantasy兄未來之前，其實小弟正同MTR613兄講自已近日事業上的一宗大鑊事，還叫MTR613兄精神上支持我掙下去。（多謝MTR613兄）但到BGfantasy兄來到，因不想影響各大哥雃興，所以小弟沒再提起吧了。

小弟亦知BGfantasy兄雖然比較沉實，但實是我輩性情中人。
（記得小弟太陽向南升的笑話嗎）
從大哥喬峰式的大笑，小弟觀察看到，大哥實是會為妻兒性命相許，為朋友兩脅插刀之漢子。
希望有時間大家再聚。